काठमाडाैं- करिव डेढ महिना लामो लकडाउनको कारणले समस्यामा परेका विभिन्न समुदायका एक हजार मानिसहरुलाई अन्जु पन्त फाउन्डेसनद्वारा खाना वितरण गरिएको छ।
काठमाडौँ उपत्यकाभित्र बौद्ध, जोरपाटी, बीर अस्पताल, नख्खु दोबाटो, फर्सीडोल ललितपुर लगायतका विभिन्न १२ स्थानमा विहिवार र शुक्रबार फाउण्डेसनद्वारा खाना वितरण गरिएको थियो । फाउण्डेसनका अध्यक्ष लोकप्रिय गायिका अन्जु पन्तले समस्यामा परेका मानिसहरुमाझ आफै उपस्थित  भएर खाना वितरण गरेकी हुन्।
बौद्ध जोरपाटीबाट सुरु गरि भएको वितरण कार्यक्रम बीर अस्पताल नख्खु हुँदै फर्सीडोल ललितपुरको एक इटाभट्टामा रहेका मजदुरहरुलाइ वितरण गरिए थियाे।
काेराेना भाइरस प्रकाेप र देशकाे यस कठिन परिस्थितीमा गायिका अन्जु पन्तको हातबाट खाना पाउँदा समुदायका मानिसहरुले खुशी व्यक्त गरेका थिए।
 ‘लकडाउनको बेलामा घरबाट बाहिर ननिस्की बस्नु पर्ने हो तर बिभिन्न ठाउँमा मानिसहरु भोकै हुनुहुन्छ भन्ने सुनेपछि  चुप लागेर बस्न नसकेर आफै खाना वितरणकालागि बाहिर निस्किएकी हुँ,’ उनले भनिन् ‘ अहिलेको अवस्था सहज छैन सम्पूर्ण विश्व नै कोरोनाको कहरमा छ तरपनि हामी सबैले नआत्तिई धैर्य गर्नुपर्छ, सँधै यस्तै हुदैन, रातपछि दिन आउँछ अवश्य विस्तारै सबकुरा ठिक हुनेछ संयम रहनुहोस्।’
 फाउन्डेसनले विगत केही वर्षयता  विभिन्न क्षेत्रमा सामाजिक सेवा गर्दै आएकाे छ।

गायिका पन्तले यस्तो विशुद्द समाजिक सेवामा लाग्दा पनि आफूलाई कुनै कतैबाट धर्म प्रचारका लागि परिचालित भएको आरोपहरू लाग्ने गरेकोमा दुख व्यक्त गर्दै यस्तो मनगणन्ते आरोपहरू बन्द गर्न आग्रह गरेकी छिन्।
​
‘अन्जु पन्त फाउन्डेसन’द्वारा न्यानो कपडा वितरण तथा शैक्षिक सामाग्री हस्तान्तरण कार्यक्रम सम्पन्न भएको छ ।
झापा जिल्लामा नेपालकै लोपोन्मुख हुँदै गएको जातीहरूमध्य गनगाइ, सन्थाल, ताजपुरिया, उराँव र हाडी जातीका बालबालिकाहररू झापा गाउँपालिका वडा न ३ गैरी गाउँको नमुना प्रा ,बि, स्कुलमा पढ्न उत्साहित भएकोमा थप उत्साहका लागि ‘अन्जु पन्त फाउन्डेसन’द्वारा प्रमुख अतिथि अन्जु पन्तले विधालयलाई २ थान कम्पुटर र १५० स्कुले बालबालिकालाइ न्यानो कपडा बितरण गर्ने सेवाको काम सम्पन्न भयो । कार्यक्रममा वितरण गरिएको २ थान कम्प्युटर अरुण गिरीबाट प्राप्त भएको थियो ।
गायिका पन्तले यस्तो विशुद्द समाजिक सेवामा लाग्दा पनि आफूलाई कुनै कतैबाट धर्म प्रचारका लागि परिचालित भएको आरोपहरू लाग्ने गरेकोमा दुख व्यक्त गर्दै यस्तो मनगणन्ते आरोपहरू बन्द गर्न आग्रह गरेकी छिन्। उनले भनिन्, “यो हिर्दयभरीको प्रेम मात्रै हो कसैले कसैको धर्म परिवर्तन गरेर परिवर्तन नहुने कुरा स्पस्ट छ ।”
गायिका पन्तले अब फाउण्डेसन पर्सा जिल्लाको पटेर्वा सुगौली गाउँपालिका स्थित मोर टोलका दयनीय अवस्थामा रहेका वासिन्दाहरूका लागि ३५ घर बनाउने अभियानमा लाग्ने जानकारी गराइन् । यो अभियानका लागि ‘अन्जु पन्त फाउण्डेसन’ अमेरिकामा पनि दर्ता गरिएको जानकारी गराउँदै पन्तले भनिन्, “केही मायाको चिनोहरू त म एक्लै दिन सकौँला तर यो ठूलो योजनाका लागि मलाई सबैको साथ र सहयोगको आवश्यकता छ ।”

​

तराइका अधिकांस जिल्लाहरूमा चिसो बढेसँगै प्रत्येक बर्ष सितलहरले जनजीवन अस्तव्यस्त बन्ने गरेको छ। यो समस्यालाई केही हदसम्म न्युनीकरण हुन सकोस् भन्ने उदेश्यले यतिबेला ‘अञ्जु पन्त फाउन्डेसन’ले न्यानो कपडा वितरण गरिरहेको छ।
चर्चित गायिका अञ्जु पन्तको अध्यक्ष्यतामा स्थापना भएको संस्थाले विरगञ्ज, पर्सा, सर्लाही, मकवानपुर लगायतका स्थानमा न्यानो कपडासहित वालवालिकाहरुलाई अध्ययन सामाग्री वितरण गरिरहेको हो। यसैअनुरुप संस्थाले बुधबार पर्सा जिल्लाको सखुवा पर्सौनी गाँउपालिको स्थित बेलुवा गाँउमा ५० परिवारलाई न्योनो सिरक वितरण गरेको छ।


चमार जातीको बाहुल्यता भएको उक्त गाँउमा गरिवीका कारण जाडोमा पनि न्यानो कपडा किन्न नसकी रातभरी आगो तापेर बस्न पर्ने बाध्यतालाई न्युनीकरण होस भनी संस्थाले सहयोग गरेको गायिका अञ्जु पन्तले जानकारी दिइन्।
यसअघि संस्थाले आइतवार वीरगन्ज करागार समता स्कुलका १ सय वालवालिकारलाई अध्ययनमा सहज होस् भन्ने उदेश्यले झोला, कापी, पेन्सील, इरेजर, चक्लेटलगायतका सामाग्री वितरण गरेको थियो। सोमवार पर्सा जिल्लाको महुवन रामनगरीया अपांग आश्रमका २० अपांगहरुलाई न्योनो कपडा (सिरक, व्ल्याङ्केट) लगायतका सामाग्री वितरण गरिएको थियो।


यसै गरी मंसिर १५गते मकवानपुर खैराङका १ सय चेपाङ बालबालिकालाई सय थान स्कुल ब्याग र ४ सय ७० कपी, पेन्सिल लगायतका स्टेसनरी समान बितरण गरिएको थियो। यस्तै फाउण्डेसनले मंसिर १८ गते नै सर्लाहीको चन्द्रनगर गाउपालिका २ मुसहरी टोलमा ५५ जना मुसहर वालवालिकाहरूलाई स्कुल ब्याग २ सय २० थान, कापी ५५ थान पेन्सिल कटर इरेजरलगाएत स्टेसनरी समानहरू वितरण गरेको थियो।